Murup ing Urip

Murup ing Urip

Dening : Heny Pratiwi

Ngurupi ya nguripi

Murup kang nguripi

Dudu murup kang tan murakabi

Sinedya mring titahing Kang Murba Wisesa

Sanadyan kebak ing panggodha

Ora kendat jangkah kang diambah

Apa mung upa kang dadi paran para?

Sapa nyana upa mara srana  donga?

Dongane kaluwarga, sanak, lan kanca

Dongane para kang njurung upaya

Dongane sapa-sapa kang nate nampa

obahe raga murupe jiwa

Sing jare urip dudu perkara upa

Sing jare uripe urup kanthi srana upa

Banjur upa iki upane sapa?

Apa upane kang ngupaya?

Apa upane kang ndedonga?

Arepa dadi kaya ngapa

Uripa kanggo ngurupi sasama

Merga upa dadi srana

Merga upa ora digawa

Merga upa titahe Kang Murba Wisesa

Maturnuwun para paranpara

kang tansah paring tulusing jiwa ing sepining upa

• PROFIL SEKOLAH ADIWIYATA SMAN 11 SEMARANG
• GERAK TARI P5
• Hari Cinta Puspa dan Satwa Nasional 2020 (SMAN 11 SEMARANG).
• MENDAUR ULANG LIMBAH KERTAS
• HARI PENCANANGAN GERAKAN MENANAM SATU JUTA POHON (10 JANUARI)

Nama
E-mail
Komentar
	Kode Verifikasi

                

Komentar :